UTAPIAMLO

SEHEMU YA KWANZA

hali ya afya na lishe bora kwa mama mjamzito ni muhimu kabla na baada ya ujauzito kwa kuwa husaidia kuwepo kwa matokeo mazuri ya ujauzito na kufanikisha unyonyeshaji wa maziwa ya mama.

Ndani ya siku 1000 yani tangu mama apate ujauzito hadi mtoto anapofikisha umri wa miaka miwili  ni muhimu akazingatia lishe bora pamoja na mtoto wake ili kuhakikisha mtoto anakua vizuri na kuepuka matatizo ambayo anaweza kuyapata ikiwemo utapiamlo, ugonjwa unaotokana na kupunguza au kuzidisha mahitsaji muhimu katika mwili.

Kuna aina mbalimbali za utapiamlo ambazo mtoto anaweza kuzipata ikiwemo utapiamlo wa kukonda, utapiamlo wa ufupi na hali hiyo huwa hivyo mpaka kwenye maendeleo ya ubongo wake.

Mtoto kuwa na uzito usioendana na  umri na utapiamlo wa madini na vitamini ambao unaweza kuwapata hata watoto warefu  na kwamba una dumaza ubongo wa mtoto.

“Unaweza kumkuta mtu mrefu lakini amekuwa na shida katika uelewa wake kwakuwa anakuwa na uelewa wa hali ya chini sana”,anasema Mary.

Utapiamlo usababishwa na mambo mbalimbali ikiwemo  ukosefu wa chakula, hali ya usafi wa chakula, kutokuwepo kwa uangalizi na kwamba zipo sababu zilizojificha ambazo ni pamoja na umaskini unaobabisha kukosa chakula, uwezo wa mama kufanya maamuzi na mazingira ya njaa na hivyo waathirika wakuu ni watoto walio chini ya umri wa miaka miwili na kina mama.

Mary alieleza kuwa madhara ya utapiamlo kuwa ni pamoja na vifo vya watoto 130 kila siku, huaribu mfumo wa kinga mwili na kusababisha maradhi, watoto waliozaliwa na uzito pungufu hupata kisukari, hupata matatizo ya moyo, kuwa na uwezo mdogo na kukosa  uwezo wa kuzalisha na kufanya maamuzi.

Binafsi nimeshuhudia baadhi ya watoto waliopata utapiamlo kutokana na kutozingatia taratibu za lishe ambazo mzazi ama mlezi anatakiwa kuzifuata ikiwa pamoja na wazazi wenyewe kuwa na afya duni,  hali inayoweza kusababishwa na mambo mbalimbali yanayomkwamisha mama kupata lishe bora kwake na mtoto wake.

CONTACTS

0714959285/0683879783