LISHE BORA KWA MTOTO MIEZI 6 NA KUENDELEA

 Tumekua na tamaduni ya kuandaa uji wa lishe ya mtoto bila kufuata kanuni za uandaaji bora.Cha msingi cha kuzingatia ni kuandaa uji utaoweza kumpatia mtoto virutubisho anavyohitaji kwa umri wake ili kusaidia ukuaji na maendeleo bora kwa afya ya mtoto.


VIRUTUBISHO MUHIMU KWA MTOTO WA MIEZI 6 NA KUENDELEA

wanga

• kuupa mwili nguvu eg.mahindi/mchele

protini 

• hujenga mwili eg. soya/maharage/samaki

mafuta 

• kuupa mwili joto eg.ufuta/karanga

vitamini 

• kulinda mwili dhidi ya magonjwa eg. mboga za majani

JINSI YA KUANDAA UJI WA LISHE BORA KWA MTOTO 
Mahitaji

• Mahindi ya njano-1kg

•  Ulezi-robo kilo

• Soya-nusu  kilo

• Ufuta-robo kilo 

UCHANGANYAJI 

• Osha mahindi ,ulezi,  soya na ufuta vizuri kila mmoja peke ake baada ya kuchambua
• anika kuani hakikisha vumbi halitaingia
• changanya vyanzo vyako na kisha saga
• unga tayari kwa matumizi 

 MUHIMU: UANDAAJI  WA SOYA
Ni muhimu kuhakikisha  umetoa maganda ya soya vizuri baada ya kuweka kwenye maji ya moto ili iwe rahisi kutoa maganda baada ya hapo unaanika juani zikauke vizuri na hatua inayofuata ni kuzikaanga vizuri na tunatoa maganda ili kuruhusu unyonywaji wa virutubishi vya protini katika mwili wa mtoto.

NYONGEZA
Tunashauri pia uwekaji wa karanga kama unaandaa lishe ya unga kwa mda mfupi kwa sababu karanga ni rahisi kuharibika zikakaa mda mrefu zaidi ya wiki inaweza kumletea mtoto madhara kama kuharisha

UPIKAJI
Hakikisha unapika uji kwa mda usiopungua  nusu saa na kuendelea ila hakikisha unaiva vizuri